У 8 класе праведзены ўрок па творы Якуба Коласа "Хмарка". Адной з задач, якія ставіліся на ўроку,была наступная: на аснове аналізу створаных аўтарам вобразаў герояў падвесці навучэнцаў да вываду аб асабістай адказнасці кожнага за лёс Бацькаўшчыны і свой асабісты лёс. Урок праводзіўся з выкарыстаннем тэхналогіі французскай педагагічнай майстэрні. Адна пара працавала з эпіграфам да ўрока і да твора "Не шукай ты шчасця, долі // На чужым далёкім полі". У сваёй справаздачы рабяты не толькі паразважалі над ідэйным зместам слоў Янкі Купалы, але і расказалі аб роднай Шклоўшчыне і прыйшлі да высновы. што кожны чалавек у адказе за лёс Бацькаўшчыны і свой асабісты лёс.